ច្បាប់ស្តីពី ឯកពន្ធភាព #Adultery Law of Cambodia# Private Law# Civil Code “ប្តីមួយ ប្រពន្ធមួយ ដោយចំណងគតិយុត្ត”

*ក្នុងមាត្រា ៥ បញ្ញត្តថា “​ត្រូវចាត់ទុកថា ស្មន់ (សាហាស្មន់) គឺ បុរស និងស្រ្តីណាដែលជាប់ចំណង​ជាញាតិលោហិត ឬញាតិពន្ធនឹងគ្នា ហើយរួមសេវនកិច្ច (រួមភេទ) ជាមួយគ្នា”។ ។

**ក្នុងមាត្រា ៧ ត្រូវចាត់ទុកថា អំពើផិត គឺការរួមសេវនកិច្ច(រួមភេទ) រវាងបុរស ដែលមានចំណង អាពាហ៍ពិពាហ៍ពីមុនមិនទាន់រលាយជាមួយស្រ្តីដទៃក្រៅពី ប្រពន្ធរបស់ខ្លួន ឬការរួមសេវនកិច្ច (រួមភេទ) រវាងបុរស ដែលមានចំណងអាពាហ៍ពិពាហ៍ពីមុនមិនទាន់រលាយ ជាមួយបុរសដទៃក្រៅពីប្ដីរបស់ខ្លួន”។ 

 

អំពើផិតក្បត់នៅសង្គមកម្ពុជា គឺមានប្រវត្តិកើតមានឡើងតាំងពីបុរាណកាលមក ហើយវាកាន់តែបង្ហាញមានករណីជាច្រើនត្រូវបានផ្សព្វផ្សាយជាសាធារណៈក៏ព្រោះតែមានការរីកចម្រើនផ្នែកបច្ចេកវិទ្យាដូចជាប្រព័ន្ធផ្សព្វផ្សាយសង្គមផ្សេងៗជាដើម។

​***ក្នុងរដ្មធម្មនុញ្ញ នៃព្រះរាជាណាចក្រកម្ពុជា ត្រង់មាត្រា​ ៤៥​ វាក្យខណ្ឌទី១បានចែងថា “ការរើសអើងគ្រប់ប្រភេទ ប្រឆាំងនឹង ស្ត្រីភេទ ត្រូវបំបាត់ចោល”។​ រីឯត្រង់វាក្យខណ្ឌទី៤បានចែងថា “អាពាហ៍ពិពាហ៍ ត្រូវធ្វើតាម​ ល័ក្ខខ័ណ្ឌដែលមានចែងក្នុងច្បាប់ និងតាមគោលការណ៍ស្ម័គ្រចិត្តប្ដីមួយប្រពន្ធមួយ”។ 

បើនិយាយពីគោលការណ៍ស្ម័គ្រចិត្ត ត្រូវមើលត្រង់មាត្រា២ នៃច្បាប់ឯកពន្ធភាពបានចែងថា “ប្រជាពលរដ្ឋ​ខ្មែរទាំងពីរភេទដែលមានចំណងអាពាហ៍ពិពាហ៍ត្រូវគោរពគោលការណ៍ឯកពន្ធភាពដោយស្ម័គ្រចិត្ត ប្ដីមួយប្រពន្ធមួយ ដោយមានចុះបញ្ជីអាពាហ៍ពិពាហ៍ ចំពោះមុខមន្រ្តីអត្រានុកូលដ្ឋាន ស្របតាមលក្ខខណ្ឌដែល មានចែងក្នុងច្បាប់ស្ដីពីអាពាហ៍ពិពាហ៍ និងគ្រួសារ”។ 

ច្បាប់ឯកពន្ធភាព មាត្រា៣ ដែលមានន័យដូចគ្នាទៅនឹងមាត្រា៣កនៃច្បាប់ស្ដីពីអាពាហ៍ពិពាហ៍ និងគ្រួសារ បានចែងថា “ចំណងអាពាហ៍ពិពាហ៍ គឺជាកិច្ចសន្យាដ៏ឱឡារិក មួយធ្វើឡើងដោយបុរសម្នាក់ និងស្រ្តីម្នាក់ ដែលប្ដេជ្ញាថារួមសមគ្គសង្វាសជាមួយគ្នាតាមបញ្ញត្តិច្បាប់ ហើយដែល មិនអាចរំលាយ ទៅវិញបានតាម​ទំនើងចិត្តរបស់ខ្លួន”។ ចំណងអាពាហ៍ពិពាហ៍ដែលបុរសមានប្រពន្ធតែមួយ ឯស្រ្តីមានប្ដីតែមួយ ត្រូវបានច្បាប់ហៅថា ឯកពន្ធភាព។

នៅពេលមានចំណងអាពាហ៍ពិពាហ៍ស្របតាមលក្ខខណ្ឌច្បាប់ ប៉ុន្តែបុគ្គលខ្លះនៅតែបំពាន ទើបច្បាប់ចែងពីទោសបញ្ញត្តិសម្រាប់ជនណាដែលប្រព្រឹត្តិល្មើស(ការផិតក្បត់ និងសាហាយស្មន់ ក្នុងនៃច្បាប់មានអ្វីខ្លះ)។ ពិតណាស់ការលួចលាក់មានទំនាក់ទំនងសេ្នហាជាមួយ តតិយបុគ្គលដែលមិនមែនជាប្ដី ឬប្រពន្ធខ្លួនឯង ក្នុងច្បាប់ឯកពន្ធភាព បានបែងចែងជា២ គឺ ស្មន់ និងផិត។ 

ក្នុងមាត្រា ៥ បញ្ញត្តថា “​ត្រូវចាត់ទុកថា ស្មន់ (សាហាយស្មន់) គឺ បុរស និងស្រ្តីណាដែលជាប់ចំណង​ជាញាតិលោហិត ឬញាតិពន្ធនឹងគ្នា ហើយរួមសេវនកិច្ច (រួមភេទ) ជាមួយគ្នា”។ ។ ចំណែក អំពើផិត(ផិតក្បត់ វិញ គឺមានចែងក្នុងមាត្រា ៧ “គឺការរួមសេវនកិច្ចរវាងបុរស ដែលមានចំណង អាពាហ៍ពិពាហ៍ពីមុនមិនទាន់រលាយជាមួយស្រ្តីដទៃក្រៅពី ប្រពន្ធរបស់ខ្លួន ឬការរួមសេវនកិច្ច (រួមភេទ) រវាងបុរស ដែលមានចំណងអាពាហ៍ពិពាហ៍ពីមុនមិនទាន់រលាយ ជាមួយបុរសដទៃក្រៅពីប្ដីរបស់ខ្លួន”។ 

****យោងមាត្រា ១០ បានចែងអំពីទោសដែលត្រូវអនុវត្តចំពោះជនដែលប្រព្រឹត្តិល្មើសនឹងមាត្រា ៦ និងមាត្រា៧ នៃច្បាប់ខាងលើ ត្រូវផ្តន្ទាទោសដាក់ពន្ធនាគារពី ១ខែ ដល់ ១ឆ្នាំ និងផ្តន្ទាទោសពិន័យជាប្រាក់ពី ២០០.០០០ ដល់១.០០០.០០០រៀល ឬផ្តន្ទាទោសណាមួយនៃទោសទាំងពីរ។ រៀបចំដោយ #P.Sam@Sakhada