សន្តតិកម្ម#Succession # Law of Cambodia#

                                                 ការទទួលមរតក (សន្តតិកម្ម)

ពន្យល់ពាក្យ៖

Ø  សន្តតិកម្ម គឺជាការទទួលមរតកនៃទាយាទរបស់មតកជន (អ្នកស្លាប់) ។ វាកើតឡើងដោយសារមរណភាពរបស់មតកជន ហើយសន្តតិជន ត្រូវទទួលបន្តនូវសិទ្ធិ និងកាតព្វកិច្ច ។

Ø  សន្តតិកម្ម ធ្វើឡើងពីរយ៉ាង គឺតាមបញ្ញត្តិច្បាប់ និងតាមរយៈមរតកសាសន៍ (តាមឆន្ទៈរបស់មតកជន) ។

Ø  មតកជន គឺជាម្ចាស់ទ្រព្យដែលទទួលមរណភាព

Ø  សន្តតិជន គឺជាអ្នកទទួលមរតកបន្សល់ពីមតកជន (អ្នកស្លាប់)

 

v សន្តតិជន

o  លក្ខណៈសម្បត្តិរបស់ សន្តតិជនតាមច្បាប់ មានដូចខាងក្រោម ៖

§  សន្តតិជនលំដាប់ទី១ ជាបច្ឆាញាតិ របស់មតកជន (កូនបង្កើត និងកូនស្មុំតាមច្បាប់) ក្រមរដ្ឋប្បវេណី មាត្រា ១១៥៦។

§  សន្តតិជនលំដាប់ទី២ ជាបុព្វញាតិរបស់មតកជន (ឪពុក និងម្តាយ ឬជីដូន ជីតា) ក្រមរដ្ឋប្បវេណី មាត្រា ១១៥៩ ។

§  សន្តតិជនលំដាប់ទី៣ ជាញាតិផ្ទាល់របស់មតកជន (បងប្អូនបង្កើត)  ក្រមរដ្ឋប្បវេណី មាត្រា ១១៦០ ។

§  សន្តតិជនជានិច្ច ជាសហព័ទ្ធរបស់មតកជន ដែលសិទ្ធិទទួលបានមរតក ពីមតកជន ។ ក្រមរដ្ឋប្បវេណី មាត្រា ១១៦១ ។

§  សន្តតិជនជំនួស ជាកូនរបស់បច្ឆាញាតិ (ចៅរបស់មតកជន) ករណីដែលសន្តតិជនលំដាប់   ទី១ និង ទី២ គ្មាន ក្រមរដ្ឋប្បវេណី មាត្រា ១១៥៧ និង១១៥៨ ។

v  អភ័ព្វបុគ្គល នៃសន្តតិជន

អភ័ព្វបុគ្គល គឺជាជនគ្មានលក្ខណៈសម្បត្តិគ្រប់គ្រាន់ក្នុងការទទួលបាននូវសន្តតិកម្ម ដោយមានមូលហេតុ

-     បុគ្គលបានទទួលទោស ដោយមានចេតនាប៉ុនប៉ងធ្វើឃាតមតកជន និងសន្តតិជនលំដាប់មុន

-     បុគ្គលមានស្មារតីល្អ បានដឹងពីការស្លាប់របស់មតកជន ប៉ុន្តែមិនរាយការណ៍

-     បុគ្គលដែលបានឆបោក​ ឬបន្លំ ឱ្យមតកជនកែប្រែមតកសាសន៍

-     បុគ្គលដែលរារាំងមតកជនមិនឱ្យកែប្រែមតកសាសន៍ ។